Iraku do të shtojë thellimin e lidhjeve ushtarake me Rusinë

Iraku dhe Rusia diskutuan perspektivat për thellimin e koordinimit ushtarak, tha Ministria e Mbrojtjes e Irakut të enjten, mes një tendosje në marrëdhëniet Bagdad-Uashington pasi një sulm ajror amerikan vrau një gjeneral të lartë iranian brenda Irakut.

Deklarata e ministrisë pasoi një takim në Bagdad midis shefit të shtabit të ushtrisë irakiane, gjeneral Othman Al-Ghanimi dhe ambasadorit rus Maksim Maksimov, si dhe një atashe të mbrojtjes të sapoardhur.

Takimi vjen gjatë një momenti të pasigurt në të ardhmen e marrëdhënieve ushtarake Irak-SHBA, pas datës 3 janar, ku Shtetet e Bashkuara me një sulmi nga droni vrau komandantin më të fuqishëm ushtarak të Iranit, Gjeneralin Qassem Soleimani dhe udhëheqësin e lartë të milicisë irakiane Abu Mahdi al-Muhandis pranë aeroportit të Bagdadit, transmeton Telegrafi. Sulmi bëri që partitë e fuqishme shiite të kërkojnë një rregullim të strukturës ekzistuese strategjike midis Irakut dhe koalicionit të udhëhequr nga SHBA.

Al-Ghanimi vlerësoi rolin e Moskës në betejën kundër grupit të Shtetit Islamik, duke thënë se ata kishin siguruar “forcat tona të armatosura me pajisje dhe armë të përparuara dhe efektive që kishin një rol kryesor në zgjidhjen e shumë betejave”, sipas deklaratës së ministrisë.

Deklarata tha se palët diskutuan perspektivat për “bashkëpunim dhe koordinim”. Të dy palët theksuan rëndësinë e shkëmbimit të informacionit dhe koordinimit për të parandaluar ringjalljen e IS.

Maksimov i bëri një ftesë al-Ghanimi të vizitojë Rusinë dhe të takohej me homologun e tij “brenda kornizës së forcimit të bashkëpunimit midis dy palëve”, thuhet në deklaratë.

Nuk kishte asnjë koment të menjëhershëm nga Moska.

Një zyrtar i lartë i inteligjencës ushtarake Irakiane i tha The Associated Press se Rusia, midis vendeve të tjera, ka dalë të ofrojë mbështetje ushtarake në vazhdën e marrëdhënieve të plota SHBA-Irak pas vrasjes së Soleimani.

“Iraku ka ende nevojë për aeroplanët e zbulimit ajror. Ka vende që kanë dhënë sinjale në Irak për të na mbështetur ose na pajisur me aeroplanët e zbulimit si Rusia dhe Irani”, tha zyrtari, i cili kërkoi anonimitet për shkak të natyrës së ndjeshme të informacionit.

Në përgjigje të sulmit të telekomanduar që vrau Soleimanin, Parlamenti i Irakut miratoi një rezolutë jo detyruese duke kërkuar një tërheqje të trupave amerikane, dhe pastaj kryeministri i përkohshëm Adel Abdul-Mahdi haptas bëri thirrje për tërheqjen e trupave.

Zyrtarë të lartë ushtarakë irakianë i thanë AP këtë javë se Iraku i tha ushtrisë së saj të mos kërkonte ndihmë nga koalicioni i udhëhequr nga SHBA në operacione të përbashkëta që synojnë grupin e Shtetit Islamik dhe për të minimizuar bashkëpunimin. Gjenerali detar Frank McKenzie, komandanti i lartë amerikan në Lindjen e Mesme, pranoi kohët e fundit se marrëdhëniet me Irakun ishin “në një periudhë trazirash”. /Telegrafi/