Inzaghi do të ketë më shumë ndikim në transferimet e Interit pas vazhdimit të kontratës

Trajneri i Interit, Simone Inzaghi thuhet se do të ketë më shumë ndikim në transferimet e Nerazzurrëve pasi të nënshkruajë një marrëveshje të re me kampionët e Serie A.

Sipas Gazzetta dello Sport, Inzaghi së shpejti do të nënshkruajë një zgjatje të kontratës në Giuseppe Meazza dhe trajneri i Nerazzurrëve do të marrë 6.5 milionë euro duke përfshirë bonuset me kontratën e tij të re.

Kjo do t’i lejonte atij të bëhej përkohësisht trajneri më i paguar në Serie A, duke pritur emërimin e Antonio Conte si trajneri i ri i Napolit. Në fakt, paraardhësi i Inzaghit në Inter pritet të fitojë 8 milionë euro në sezon në Stadio Maradona.

Lexo po ashtu Pronarët e rinj të Interit që në start shpërblejnë trajnerin Inzaghi

Sipas Gazzetta dello Sport, kontrata e re e Inzaghit nuk do të rrisë vetëm pagën e tij, por edhe fuqinë dhe ndikimin e tij në klubin zikaltër.

Gazeta italiane pretendon se trajneri do të ketë ‘fuqinë për të kërkuar përforcime’ dhe për të bllokuar largimet e mundshme të lojtarëve kryesorë. Sigurisht, ky kusht mund të ndryshojë vetëm nëse klubi merr oferta të mëdha.

‼️ Simone Inzaghi è sempre più al centro dell’Inter. Anche con l’avvento di Oaktree ⬇️⚫🔵 pic.twitter.com/RmS65oMDYu

— FcInterNews.it (@FcInterNewsit) May 30, 2024

Mediumi shton se Inzaghi ka identifikuar tashmë tre përforcime për skuadrën e tij në sezonin 2024/25, plus Mehdi Taremi dhe Piotr Zielinski të cilët tashmë kanë nënshkruar për Nerazzurrët.

Interi do të kërkojë një sulmues të pestë, një qendërmbrojtës të ri dhe një portier që mund të bëhet zëvendësues i Yann Sommer në të ardhmen e afërt. /Telegrafi/