Inzaghi pas eliminimit të Benficas: Interi meriton vendin në gjysmëfinale

Simone Inzaghi ka theksuar se Interi me plotë meritë gjendet në gjysmëfinale të Ligës së Kampionëve pas eliminimit të Benficas në çerekfinale dhe kalimi i një grupi shumë të vështirë në fillim të garës.

Nerazzurrët patën një epërsi 2-0 nga ndeshja e parë në Lisbonë dhe dukej se e kishin mbaruar punën kur Nicolo Barella shënoi një gol të bukur për 1-0 në Itali.

Edhe kur Benfica barazoi, Lautaro Martinez e ktheu epërsinë me një asistim të Federico Dimarco, i cili gjithashtu asistoi te Joquian Correa për epërsinë 3-1.

Megjithatë, ata u shpërqendruan vonë, pasi Antonio Silva dhe Petar Musa shënuan në minutat e fundit për ta mbyllur ndeshjen me rezultat 3-3.

Lexo po ashtu Interi barazim spektakolar me Benfican, por kalon në gjysmëfinale të Ligës së Kampionëve

Gjithsesi, një fitore e përgjithshme 5-3 shënon gjysmëfinalen e parë të Interit në Ligën e Kampionëve që nga tripleta në vitin 2010 dhe është kundër rivalëve të tyre të qytetit, Milanit, një përsëritje e përplasjes së vitit 2003.

“Jemi shumë të lumtur, një mbrëmje e rëndësishme për të gjithë Interin. E merituam në dy ndeshjet kundër një skuadre që kishte humbur vetëm dy ndeshje gjatë gjithë sezonit deri atëherë”, ka thënë fillimisht Inzaghi pas ndeshjes.

SEMI-FINALS, HERE WE ARE 🖤💙#ForzaInter #UCL #InterBenfica pic.twitter.com/7TUJcVYZci

— Inter ⭐⭐ (@Inter) April 19, 2023

“Tani jemi në gjysmëfinale, është një ëndërr dhe do të japim maksimumin. Kaluam një fazë shumë të vështirë në grup dhe ishim të bashkuar për ta arritur këtë. Ne punojmë për të përjetuar netë si kjo, të cilat Interi nuk i kishte shijuar për shumë vite”.

“Shkarkimi? Unë e di se nga vijnë kritikat, ata që flasin mirë dhe ata që flasin keq, ndonjëherë u sugjerohet kritika. Unë kam shumë vite në futboll dhe jam mësuar me të. Unë punoj për të lumturuar tifozët”.

Nuk ishte performanca ideale duke pasur parasysh se ata barazuan 3-3, barazim i cili do të godasë renditjen e tyre dhe shpërblimet për rezultate.

Lexo po ashtu Lautaro Martinez më i miri në fushë: Notat e lojtarëve, Inter 3-3 Benfica

“Antonio Silva bëri mirë për 3-2 me një gol të mirë, ndërsa për 3-3 djemtë e mi dëgjuan një vërshëllimë dhe menduan se ishte fundi i ndeshjes. Pavarësisht kësaj, ishte një lojë e shkëlqyer dhe zëvendësimet vërtet ndihmuan. Ne e meritojmë vendin tonë në gjysmëfinale”.

“Objektivi është që të kemi në dispozicion të katër sulmuesit dhe kjo praktikisht nuk ka ndodhur kurrë. Lista e ndeshjeve është bërë thjesht e çmendur, por unë duhet të ndërroj skuadrën dhe ata më ndihmojnë”, përfundoi trajneri i Interit.

Interi nuk është vetëm në gjysmëfinale të Ligës së Kampionëve, por edhe në gjysmëfinalen e Kupës së Italisë me Juventusin dhe ndeshja e dytë është javën e ardhshme pas barazimit 1-1 në Torino. /Telegrafi/