Interi fiton në shtëpi ndaj Sampdorias

Interi ka fituar me rezultat të ngushtë 2-1 ndaj Sampdorias në ndeshjen e luajtur në shtëpi në kuadër të javës së 24-të të Serie A.

Skuadra e Luciano Spalletti ka arritur edhe fitoren e tretë radhazi mes kampionatit dhe Ligës së Evropës, pasi ka mposhtur Sampdorian.

Pjesa e parë e ndeshjes i takoi për një nuancë vendasve të Interit, por edhe përkundër dominimit dhe rasteve, portat mbeten të paprekura.

Në pjesën e dytë vazhdoi loja më e mirë e Interit, por kësaj radhe pati fryte pasi shënuan edhe dy gola, kundrejt një të mysafirëve.

Goli i parë i ndeshjes erdhi në minutën e 73-të dhe ishte Danilo D’Ambrosio, i cili shënoi nga afërsia për 1-0 pas asistimit të Ivan Perisic.

⚽️ | 73' GOOOOOOOOOOOOOOOOOOOOOOOOOOL!!!!

Cross di #Perisic, arriva come un 🚄 @ddambrosio e in spaccata porta l'Inter in vantaggio!!!!#InterSampdoria 1-0 pic.twitter.com/rT1KXmqA8q

— Inter ⭐⭐ (@Inter) February 17, 2019

Megjithatë, festa e vendasve zgjati vetëm tre minuta pasi në skenë doli Manolo Gabbiadini që shënoi për 1-1 pas një tollovie në zonë.

Ky gol shkundi vendasit të cilët kërkonin me çdo kusht fitoren dhe atë e arritën pasi ishte Radja Nainggolan që shënoi në minutën e 78-të për 2-1 dhe vulosi fitoren e Nerazzurrëve.

⚽️⚽️⚽️⚽️| 79' IL NINJAAAAAAAAAAAAAAA

L'Inter torna in vantaggio, gran botta da fuori area!#InterSampdoria 2-1 pic.twitter.com/OCojzwq9XT

— Inter ⭐⭐ (@Inter) February 17, 2019

Me këtë fitore, Interi e sheh veten në pozitën e tretë me 46 pikë, ndërsa Sampdoria renditet në vendin e 10-të me 33 pikë.

Në ndeshjen e radhës, Nerazzurrët udhëtojnë te Fiorentina, ndërsa Sampdoria e pret në shtëpi Cagliarin. /Telegrafi/

GOAL d'Ambrosio pic.twitter.com/QbJRLXfJbu

— Para (@Paracelsus) February 17, 2019

https://www.youtube.com/watch?v=5-vWZ8bMXSI

https://twitter.com/INTER9MILAN/status/1097206029308194816