Interi e mbyll sezonin me fitore të thellë ndaj Udineses

Kampioni i Italisë për sezonin 2020/2021 ka regjistruar fitoreje prej 5-1 kundër Udineses në ndeshjen e fundit sezonale në Serie A.

Edhe pse pa ndonjë objektiv, Nerazzurrët e kanë respektuar kampionatin duke regjistruar triumf të lartë.

Ashley Young e hapi serinë e golave në minutën e tetë, për të vazhduar me golin fantastik të Christian Eriksen (44’) nga gjuajtja e lirë.

Në gjysmën e dytë realizoi Lautaro Martinez (55’) nga pika e bardhë. I asistuar nga Matias Vecino, Ivan Perisic u regjistrua në listën e golashënuesve (64’).

Nuk mund të mungonte edhe realizimi i golashënuesit më të mirë të zikaltërve këtë sezon, Romelu Lukaku (72’), edhe pse topi thjesht preku trupin e tij dhe hyri në portë.

Golin e nderit për mysafirët e shënoi Roberto Pereyra (79’) nga pika e bardhë.

Interi e mbyll sezonin me 91 pikë të arkëtuara nga 28 fitore, shtatë barazime dhe tri humbje. Udinese i ka mbijetuar qëndrimit në elitë edhe për sezonin e ardhshëm. /Telegrafi/

https://www.youtube.com/watch?v=CSZEx5R-OIc

https://www.youtube.com/watch?v=AjRGQEAf96Y

https://www.youtube.com/watch?v=dwUgJyfe1zc