Inspektorët e UEFA-s vijnë në fillim të qershorit për inspektimin e radhës

Stadiumi i Prishtinës është kthyer në fjalën kryesore në këto ditë, pasi që klubi që i luan ndeshjet aty ka kërkuar të kthehet të luajë.

Kjo pasi që Prishtina e vendos titullin në ndeshjen e fundit kundër Dritës ku i duhet fitorja me dy gola.

FFK ka lëshuar komunikatë për media ku thuhet se në qershor do të ketë inspektim të punimeve.

“Shtëpia evropiane e futbollit (UEFA), gjithnjë e më shumë me seriozitetin më të madh ju ka qasur çështjes së rinovimit të stadiumit të qytetit në Prishtinë”.

“Kështu që prej fillimit inspektorët e UEFA-s kanë qenë në inspektim të stadiumin duke dhënë sugjerimet dhe vërejtjet e tyre me qëllim të ndihmesës në rinovimin e tij me standardet e UEFA-s dhe  FIFA-s për ndeshje të kategorisë së katërt”.

“Në këtë drejtim në pjesën e parë të muajt qershor do të vijnë inspektorët e UEFA-s, zotërinjtë Mark Blackbourne e Marshall Nicolaus, të cilët do të shohin nivelin dhe shkallën e kryerjes së punimeve në stadium dhe eventualisht do të japin mendimet e tyre për ndonjë vërejtje eventuale”, thuhet një njoftim. /Telegrafi/