Insiston PK: Lavdrim Muhaxheri nuk gjendet në Kosovë

Policia e Kosovës, Drejtoria e Përgjithshme, përmes një komunikate për media thotë se duke u mbështetur në informacionet e verifikuara operative i dyshuari për aktivitete terroriste Lavdrim Muhaxheri nuk gjendet në territorin e Republikës së Kosovës.

Sipas PK-së, sipas të gjitha informacioneve që posedon Policia e Kosovës në bashkëpunim edhe me agjencitë e sigurisë dhe inteligjencës, si dhe informacionet nga partnerët ndërkombëtarë, Lavdrim Muhaxheri vazhdon të jetë ende në territorin e zonës së konfliktit Siri apo Irak.

Një sqarim i tillë nga Policia e Kosovës vjen pas deklaratave të medieve ndërkombëtare se Muhaxheri mund të jetë në Kosovë.

Lexo po ashtu Mediat serbe: Lavdrim Muhaxheri “duke pirë kafe në Kosovë” (Video)

Më poshtë ua sjellim sqarimin e plotë të PK-së:

Referuar disa shkrimeve ditëve të fundit nga mediat e ndryshme qofshin ato vendore apo nderkombëtare, veqanërisht spekulimeve nga disa media nga Serbia lidhur me vendndodhjen e të dyshuarit për terrorizëm Lavdrim Muhaxheri dhe deklarimeve të tyre se i njëjti ( Lavdrim Muhaxheri) me rreth 400 luftëtarë pjesë e organizatës terroriste ISIS është kthyer në Kosovë dhe lëvizë lirshëm, janë të pavërteta, qëllimkëqija dhe tendencioze për të krijuar ndjenjë të pasigurisë në opinionin publik.

Policia e Kosovës edhe njëherë shfrytëzon rastin të sqaroj opinionin në mënyrë objektive duke u mbështetur në informacionet e verifikuara operative njofton se; informacionet e tilla të publikuara janë të paverteta dhe sqaron se i dyshuari për aktivitete terroriste Lavdrim Muhaxheri nuk gjendet në territorin e Republikës së Kosovës.

Sipas të gjitha informacioneve që posedon Policia e Kosovës në bashkëpunim edhe me agjencitë e sigurisë dhe inteligjencës, si dhe informacionet nga partnerët ndërkombëtar Lavdrim Muhaxheri vazhdon të jet ende në territorin e zonës së konfliktit Siri apo Irak.

Duke vlerësuar ndjeshmërinë dhe rrezikshmërinë nga ekstremizmi i dhunshëm dhe terrorizmi, Policia e Kosovës tani e disa vite është aktivisht e angazhuar me masat e saj operativo-hetimore për të trajtuar me kohë çdo dyshim të ngritur nga ky fenomen në nivel vendi, rajonal dhe global.

Poashtu është i njohur fakti se Kosova është pjesë e koalicionit ndërkombëtar për parandalimin dhe luftimin e terrorizmit dhe do të vazhdoj të jet pjesë aktive e këtij koalicioni, gjë për të cilën Policia e Kosovës ka marr edhe lëvdata nga agjencione dhe partnerë ndërkombëtar për efikasitetitn e dëshmuar në luftën kundër ekstermizmit të dhunshëm dhe terrorizmit.

Policia e Kosovës duke qmuar shumë lart kontributin e mediave vendore dhe ndërkombëtare, ofron çdoherë gatishmërinë për të bashkëpunuar në dhënien e informacioneve të verifikuara në kohë reale për interes të publikut për të gjitha qështjet me rëndësi, e veqanërisht ato që ndërlidhen me terrorizmin.(sic) /Telegrafi/