Ikona e modës në xhinse të cilat janë hit këtë vjeshtë

U rrinë mirë të gjitha femrave, aq janë të rehatshme sa që mund t’i vishni edhe kur dilni në takime

Aktorja dhe ikona e modës, Sienna Miller, ka shëtitur rrugëve të Londrës e veshur me xhinse, të cilat do të jenë hit për vjeshtën 2022!

Sienna ‘xhinset’ i ka kombinuar me një fanellë të bardhë me bretela dhe me një gërshet të rastësishëm, syze interesante ngjyrë të kafenjtë dhe me vëthë varës të artë, transmeton Telegrafi.

Sienna xhinset i ka veshur me nallane ngjyrë të kafenjtë, ka bartur çantën nga kallami dhe ka freskuar veshjen me aksesor siç është bizhuteria e artë dhe llak tirkizi për thonj.

Xhinset mund t’i vishni edhe kur dilni në mbrëmje, nëse i kombinoni me taka të larta, një top pak më formal ose një xhaketë moderne. /Telegrafi/