Ibrahimovic operohet dhe shkruan një mesazh emocionues: Kam bërë vetëm 10 stërvitje në gjashtë muajt e fundit shkaku i dhimbjes

Zlatan Ibrahimovic ka kryer një operim në gju, operim që do ta lë jashtë fushave të blerta për një periudhë të gjatë prej tetë muajsh.

Sulmuesi suedez ka treguar se për një kohë të gjatë ka luajtur i lënduar me dhimbje të mëdha në ligamentin e gjurit të majtë.

40-vjeçari sakrifikoi shumë vetëm e vetëm që Milani ta fitoj titullin e kampionit në Serie A pas 11 vitesh pritje.

Suedezi ka shkruar gjerë e gjatë për sakrificat që ka pasur duke treguar se në gjashtë muajt e fundit ka bërë vetëm 10 stërvitje me ekipin shkaku i dhimbjes së madhe që kishte.

“Për gjashtë muajt e fundit kam luajtur pa ligament në gjurin tim të majtë. Gjuri im ka qenë i ënjtur për gjashtë muaj. Kam qenë në gjendje të stërvitem me ekipin vetëm 10 herë në gjashtë muajt e fundit. Më janë dashur më shumë se 20 injeksione në gjashtë muaj”.

“Për gjashtë muaj e kam zbrazur gjurin nga ujërat një herë në javë. Mezi kam fjetur gjumë për shkak të dhimbjeve për gjashtë muaj. Asnjëherë nuk kam vuajtur kaq shumë brenda dhe jashtë fushës. Bëra diçka të pamundur në diçka të mundshme”.

“Në mendjen time kisha vetëm një objektiv, t’i bëja shokët dhe trajnerët e mi kampionë të Italisë, pasi ua kisha premtuar. Sot kam një ligament të ri dhe një trofe më shumë”, ka shkruar Zlatan Ibrahimovic.

Lexo po ashtu Ibrahimovic nuk përmbahet në zhveshtore duke rrotulluar edhe tavolinën dhe ndez atmosferën: Tani Italia i përket Milanit

Reprezentuesi suedez këtë edicion zhvilloi 27 ndeshje me Milanin, ku kontribuoi me tetë gola e tre asistime në Serie A. /Telegrafi/