Ibrahimovic këshillon Donnarumman dhe mirëpret transferimin e Giroud te Milani

Zlatan Ibrahimovic sugjeron që Gianluigi Donnarumma duhet të kishte qëndruar te Milani dhe pretendon se Rossonerët kanë nevojë për dikë si Olivier Giroud.

Nisja e sezonit të ri pritet të sjell disa ndryshime në organikën e Rossonerëve, ndërsa emrat më të përfolur kanë qenë Donnarumma, i cili do të largohet si lojtar i lirë dhe Giroud që pritet të transferohet falas.

Për këta dy lojtarë ka folur edhe ylli i skuadrës, Ibrahimovic, i cili italianin e ka këshilluar, ndërsa francezin e ka mirëpritur.

Lexo po ashtu Barcelona thuhet se i ka ofruar kontratë të pa rezistueshme Donnarummas

“Më vjen keq për Gigion. Ai erdhi përmes akademisë së Milanit, ai mund të jetë portieri i ekipit për 20 vitet e ardhshme, ndoshta jo 20, sepse ai nuk është Ibra”, ka thënë fillimisht Ibrahimovic për La Gazzetta dello Sport.

“Sidoqoftë, ai është më i miri në botë. Ai mund të ishte bërë si Maldini te Milani. Do t’i thosha të qëndrojë te Milani deri në fund. ”

Olivier Giroud së shpejti mund të bashkohet me Ibran në San Siro dhe francezi mirëpritet nga suedezi.

Lexo po ashtu Giroud refuzon vazhdimin e kontratës me Chelsean për t’u bashkuar me Milanin

“Giroud ka përvojën, dhe ne nuk kemi shumë lojtarë që kanë fituar trofe”.

“Ai është i mirëpritur nëse arrin edhe ai sepse të gjithë janë të dobishëm në këtë grup. Të gjithë duan të mësojnë”, përfundoi suedezi. /Telegrafi/