Hyri të tymoste marihuanë në një shtëpi të braktisur, u gjet përball një tigri të mbyllur (Foto)

Me të hyrë për të tymosur marihuanë në një shtëpi të braktisur në Teksas të Shteteve të Bashkuara, një burrë e gjeti vetën përballë një tigri të mbyllur në kafaz.

Kur shkoi të njoftonte për rastin, pjesëtarët e policisë menduan se kishte halucinacione dhe nuk besonin se mund të jetë e vërtetë, transmeton Telegrafi.

Gjatë kontrollit në shtëpinë e dyshuar, u gjet kafsha që peshonte 158 kilogramë, në një garazh të mbyllur vetëm me një kaçavidë dhe shirita plastike.

“Ishte një hapësirë shumë e vogël dhe e ndotur, në të cilën e gjetëm tigrin. Mirë që nuk e nënvlerësuam situatën, kur shkuam të bëjmë kontrollin” ka thënë polici që ishte në krye të intervenimit.

Njësitet që merren me mirëqenien e kafshëve, e kanë vënë në gjumë tigrin duke i injektuar qetësues, par ta dërguar te veterineri për kontrollet e nevojshme. Zyrtarët e një konpshti zoologjik në Houston, kanë bërë të ditur se do ta pranojnë tigrin, po që se ka gjendje të mirë shëndetësore dhe fizike.

Ende nuk dihet për sa kohë ka qenë tigri në atë shtëpi, apo kush e kishte mbajtur në atë hapësirë. /Telegrafi/