Humbje e rëndë e Lakers, Warriors vazhdojnë me fitore (Video)

Los Angeles Lakers pas fitores një ditë më parë ka përjetuar një debakël.

Skuadra nga Kalifornia ishte mysafire në Teksas tek Dallas Mavericks që e mposhti me 49 pikë epërsi, 122:73.

Që nga çereku i parë më të mirë ishin vendasit, të cilët pas përfundimit të pjesës së parë kishin epërsi të lartë prej 34 pikëve, 67:33.

Më efikasi tek vendasit ishte rezervisti Justin Anderson me 19 pikë të shënuara, ndërsa pikë dy shifrore shënuan edhe gjashtë basketbollistë të tjerë.

Seth Curry me 14 pikë dhe Deron Williams, Dirk Nowitzki e Wesley Matthews shënuan nga 13 pikë të tjera për fitoren e lartë të Mavericks.

Tek Lakers më efikasi ishte Louis Williams me 15 pikë të shënuara por të pamjaftueshme për fitore.

Fitore tejet të rëndësishme ka shënuar edhe Golden State Warriors që ka mposhtur Orlando Magic me 20 pikë diferencë 118:98.

Stephan Curry ishte më efikasi në ndeshje me 27 pikë të shënuara, ndërsa me 21 pikë kontribuoi edhe Klay Thompson.

Ndërkohë tek Magic më efikasi ishte Elfrid Payton me 23 pikë të shënuara. /Telegrafi/