Humbi penallti ndaj Interit, sulmuesi i Hellas Verona merr kërcënime të shumta në rrjetet sociale

Hellas Verona zhvilloi një ndeshje shumë të mirë përballë Interit në “San Siro”, por në fund doli pa pikë pas humbjes 2-1, e ku Thomas Henry kishte një rast të artë të barazonte nga pika e bardhë.

Sulmuesi francez, i cili realizoi golin e barazimit në minutën e 74-të, goditi shtyllën nga penalltia, ku pas këtij veprimi ka marr kërcënime me jetë nga tifozët e tij.

29-vjeçari ka reaguar në rrjetet sociale, aty ku thekson se ai dhe familjarët e tij janë kërcënuar me jetë pas humbjes së penalltisë.

Thomas Henry'nin 90+10'da kaçırdığı penaltı, Inter'i galibiyete götürdü.#VerilenSözMülakatsızdı #EmekliMaaşınaÇöktüler #cumartesi Devlet Bahçeli $myra pic.twitter.com/B6jsnQhqxM

— No Context Futbol (@sayfaiki) January 6, 2024

“Për të gjithë njerëzit që mendojnë se e njohin futbollin më mirë se kushdo tjetër dhe që fyejnë familjen time duke i uruar vdekjen, shpresoj që një ditë të gjeni paqen në jetën tuaj të vogël”.

“Gabimet janë pjesë e sportit dhe prandaj do të vazhdoj të punoj për të qenë më i mirë se më parë. Një ditë fiton, një ditë humb, një ditë shënon, një ditë gabon. Kjo është jeta ime si futbollist”.

View this post on Instagram

A post shared by Thomas Henry (@thomas_henry_official)

“Jam krenar që kam mundur të shënoj golin tim të dytë në karrierë në ‘San Siro’ pas dëmtimit të ligamentit. Gjithmonë me kokën lart, gjithmonë përpara”, ka thënë Henry. /Telegrafi/