Hulumtim për lidership të qëndrueshëm menaxherial në Maqedoni

86% nga 205 menaxherë në Maqedoni konsiderojnë se qëndrueshmëria në organizata është një koncept i ri të cilit nuk i është dhënë shumë vëmendje, kurse 93% mendojnë se nuk ka sektor formal për qëndrueshmëri, përcjell Telegrafi Maqedoni.

Këto janë të dhënat e hulumtimit dhe analizave për nevojën e rritjes së vetëdijes për lidershim të qëndrueshëm si segment kyç për zhvillimin e kompanive dhe institucioneve.

Hulumtimi është kryer nga Fakulteti ekonomik i Universitetit Kirili dhe Metodi dhe Institutit për hulumtime në mjedisin jetësor, ndërtimtari dhe energjetikë – IEGE.

Hulumtimi tregon se 23% e kompanive shfrytëzojnë energji të rinovueshme, 22% punojnë me ulje të emetimeve të gazrave nga serat, 19% riciklojnë, kurse vetëm 17% kanë kujdes në mënyrën e shfrytëzimit të ujit dhe në uljen e shfrytëzimir të ujit.

Nga përgjigjet e menaxherëve të Maqedonisë del se tre segmentet e zhvillimit të qëndrueshëm, segmenti ekonomik, social dhe ekologjik duhet të përfaqësohen në të njëjtin nivel./Telegrafi/