Hovenier takohet me Rada Trajkoviqin: Kërcenimet dhe frikësimet për shkak të opinioneve politike, të papranueshme

Ambasadori i SHBA-së Jeffrey Hovenier është takuar me politikanen serbe, Rada Trajkoviq.

Ai e ka falënderuar politikanen serbe e cila bëri të ditur se nuk i është lejuar hyrja në Kosovë, e sipas saj përgjegjës është presidenti serb, Aleksandër Vuçiq.

Hovenier e ka qujtur të papranueshme, kërcenimet dhe frikësimet për shkak të opinioneve politike.

“Faleminderit Rada Trajkoviq për njoftimin e sotëm të saj. E kam thënë edhe më parë dhe duhet të përsëritet: Kërcënimet dhe frikësimet për shkak të opinioneve politike janë të papranueshme në shoqëritë e lira dhe demokratike”, shkroi Hoveneir në Twitter.

Ndërkaq, siç ka deklaruar Trajkoviq, ndalimi për të hyrë në Kosovë ishte bërë për shkak të një vendimi të marrë nga Beogradi se kinse për të ka një “lloj ndalese”.

“I kam dorëzuar dokumentet dhe ata më hoqën nga komunikacioni, pritëm 10 minuta dhe më pas u nisa për t’i pyetur se për çfarë bëhet fjalë, për faktin se veturat e tjera kalonin krejt lirshëm… Ata thanë se po presin vendimin e Beogradit, dhe se për mua është ngritur një lloj ndalese apo duhet të më bëjnë një tretman të veçantë dhe nuk po më japin dokumentet”, tha Trajkoviq./Telegrafi/

Thanks to Rada @trajkovic_rada for her insights today. I have said it before, and it bears repeating: threats and intimidation because of political opinions are unacceptable in free and democratic societies. pic.twitter.com/E377fiOQqo

— Ambassador Jeff Hovenier (@USAmbKosovo) December 15, 2022