Houssem Aouar objektivi i Milanit për mesfushën Houssem Aouar është futur në vitin e fundit të kontratës me Lyonin dhe largimi i tij nga klubi francez duket i pashmangshëm.
Mesfushori algjerian me pasaportë franceze ka zgjuar interesimin e shumë klubeve evropiane, por së fundmi në garë është futur edhe gjiganti italian Milan.
Kampioni në fuqi i Italisë po kërkon një mesfushor dhe tanimë kanë ndodhur kontaktet e para mes drejtuesve të klubit kuqezi dhe agjentëve të lojtarit.
24-vjeçari qysh tani ka të drejtë të bisedojë me klubet tjera pasi ka vendosur të mos rinovojë kontratën me klubin aktual.
Rossonerët e duan Aouarin si zëvendësues të Brahim Diaz, pasi spanjolli do të rikthehet në fund të sezonit në Real Madrid nga huazimi.
Calciomercato ka raportuar se Milani duhet të nxitojë për të nënshkruar me Aouar, pasi për lojtarin kanë shprehur interesim edhe skuadrat nga Anglia e Spanja.
Real Betis, Atletico Madrid, Aston Villa, Everton, Newcastle United, Roma e Napoli janë skuadrat tjera që duan shërbimet e Aouar. /Telegrafi/
