Hoti: Mbrapshtitë e qeveritarëve në shkuarje na acaruan raportet me gjithë botën

Deputeti i Lidhjes Demokratike të Kosovës (LDK), Avdullah Hoti ka kritikuar Qeverinë duke thënë se vendimet duhet të merren në Prishtinë, dhe jo të dialogojnë me Serbinë në Bruksel.

“Në vend që vendimet të merren në Prishtinë në bashkëpunim dhe sipas këshillave të miqve tanë, këta shkojnë të dialogojnë me Serbinë në Bruksel”, ka thënë ai.

Deputeti ka thënë se para një jave, Qevria thoshte se nuk diskutojnë në Bruksel për çështjen e dinarit dhe se sipas tij, tani detyrohen të ulen në tavolinë.

Sipas deputetit nga radhët e LDK-së, në vend se të dëgjoheshin këshillat e miqve, “mbrapshtitë e qeveritarëve në shkuarje” na sollën sanksione.

“Në vend se të dëgjoheshin këshillat e miqve e të vazhdohej dialogu i nisur për marrëveshje finale për njohje reciproke, mbrapshtitë e qeveritarëve në shkuarje na acaruan raportet me gjithë botën demokratike, na dhanë të mbrapshtën, na krijuan status quo të re, na bllokuan procesin eurointegrues, na sollën sanksione, na cënuan raportet shtetërore me Shqipërinë e Maqedoninë e Veriut, i bënë pikë e pesë shqiptarët në Luginë e në Maqedoni të Veriut”, ka thënë tutje deputeti./Telegrafi/