Familja e tij dhe këshilltarët e afërt, ashtu si edhe presidentët nga Argjentina, Bolivia, Uruguai dhe vende të tjera, kanë bërë homazhe pranë arkivolit të hapur.
Disa media kanë thënë se edhe Shtetet e Bashkuara pritet të dërgojnë një delegacion, i cili do të marrë pjesë në varrimin e Chavezit, të premten, transmeton “Evropa e Lirë”.
Presidenti i Venezuelës ka qenë kritik i hapur i SHBA-së dhe politikave të saj.
Ai ka vdekur të martën në moshën 58-vjeçare, pas një beteje dyvjeçare me kancerin.
Kreu i rojeve presidenciale ka thënë për AP-në se ka qenë pranë Chavezit në momentin kur ka ndërruar jetë.
Gjenerali Jose Ornella ka thënë se Chavez ka vdekur nga një “sulm i rëndë në zemër”. /Telegrafi/
