“Heshtja e Lornës” hap Festivalin në Tiranë

Të hënën mbrëma është hapur edicioni i gjashtë i Festivalit Ndërkombëtar të Filmit me metrazh të shkurtër, Tirana Internaional Film Festival, në kinemanë "Imperial" të kryeqytetit shqiptar.

Festivalin e hapi filmi i vëllezërve Dardenne, “Heshtja e Lornës”, ku rolin kryesor e luan aktorja kosovare, Arta Dobroshi.

Krijuesit e “Le silence de Lorna” këtë vit fituan Palmën e Artë për skenarin më të mirë në Festivalin e Kanës, po ky film është zgjedhur edhe si filmi më i mirë nga Komisioni Evropian, i cili i akordoi edhe një shumë parsh për t’u përkthyer në të gjitha gjuhët e BE-së.

Për premierën shqiptare ishte e pranishme aktorja Arta Dobroshi. Ajo u shpreh se interpretimi i këtij roli i kishte falur shumë kënaqësi. Për Artën, Lorna nuk është vetëm një vajzë nga Gramshi, ajo përfaqëson një personazh universal.

Të hënën u shfaqën edhe dy filma me metrazh të shkurtër. “Intercom” i regjisorit britanik Mark Gutteridge dhe “My mother learns cinema” i regjisorit turk Nesimi Yetik.