Ky është momenti dramatik kur një burrë nxori një shofer nga një kamion që digjej, ndërsa 20 persona tjerë thuhet se kanë qëndruar duke filmuar me telefonat e tyre.
Jim Angulo ishte duke shkuar për të punuar në në Miami rreth orës 02:00 të mërkurën, kur pa automjetin që po digjej, transmeton Telegrafi.
"Shikova nga e majta, dhe shikova nga e djathta dhe pashë 20 persona me celularët e tyre që nuk bënin asgjë, dhe unë thashë: "Kjo varet nga unë", i tha Angulo mediave amerikane.
Angulo dhe një burrë tjetër shkuan me guxim drejt zjarrit dhe nxorën njeriun nga dritarja e kamionit.
Automobilisti i paidentifikuar u dërgua në spital, ndërsa një viktimë tjetër mori trajtim nga mjekët në vendngjarje.
"Këmba e tij ishte djegur e gjitha", tha Angulo. "Duart e tij ishin djegur të gjitha. Ai ishte djegur mjaft shumë".
Por ai mohoi të ishte një hero, duke thënë: "Nëse unë do të isha në të njëjtën situatë, shpresoj se dikush do të bënte të njëjtën gjë për mua. Është kaq e thjeshtë. /Telegrafi/
