Hendboll: Suedia i bashkohet Spanjës në finale, mposht me një gol epërsi Francën

Suedia ka shënuar fitore ndaj Francës me rezultatin 34:33 në ndeshjen e dytë gjysmëfinale të premten mbrëma të zhvilluar në Budapest dhe i është bashkuar Spanjës në finale.

Franca si kampione olimpike vinte favorite në këtë ndeshje, por suedezët shfaqën më shumë të premten mbrëma.

Ndeshja kishte fund dramatik pasi që francezët arritën të shkrimin e epërsinë e suedezëve.

Portieri i Suedisë, Andreas Palicka, prit një gjuajtje në fund, ndërsa gjithsej bëri 12 sosh për t’i ndihmuar suedezët të shkojnë në finale të Kampionatit Evropian.

🤩 An incredible save from Andreas Palicka wins the match for @hlandslaget 🇸🇪 & sends them to the #ehfeuro2022 final 🎊 pic.twitter.com/KL1ocx6XoP

— EHF EURO (@EHFEURO) January 28, 2022

Jim Gottfridsson ishte më i miri te Suedia me 9 gola, ndërsa Lucas Pellas shënoi 7 sosh.

Aymeric Minne dhe Hugo Descat shënuan nga 8 gola te Franca, por që nuk mjaftuan.

Finalja Suedi – Spanjë luhet të dielën nga ora 18:00, ndërsa ndeshja për vendin e tretë mes  Francës dhe Danimarkës  në të njëjtën ditë nga ora 15:30. /Telegrafi/