Hekurudha drejt Bullgarisë po ndërtohet intensivisht

Pres deri në fund të vitit të shpall thirrjen publike për ndërtimin e fazës së tretë të hekurudhës së Korridorit 8, përkatësisht nga Kriva Pallanka deri në pikën kufitare Deve Bair. Gjithashtu pres që shumë shpejt deputetët të miratojnë ligjet e kredive nga institucionet financiare ndërkombëtare dhe në këtë mënyrë të përfundojnë ndërtimin financiar për ndërtimin e pjesës së fundit të hekurudhës. Natyrisht, për këtë fazë kemi siguruar fonde nga granti, theksoi ministri Blagoj Boçvarski, i cili së bashku me ministrin e Punëve të Brendshme Oliver Spasovski dhe drejtorin e HRMV Infrastrukturës Zoran Trifunovski, inspektuan ndërtimin e hekurudhës nga Kumanova në Beljakovc.

Pjesa nga Kumanova deri në Beljakovcë është 31 kilometra, investimi kap vlerën e 40 milionë eurove. Faza e dytë, nga Beljakovca në Kriva Pallankë, kap vlerën e 155 milionë eurove për ndërtimin e 34 kilometrave të hekurudhës së re. Ndërtimi, thekson ministri Bochavrski, po zhvillohet me një dinamikë të fortë.

“Ndërtimi i hekurudhës nga Kumanova në Kriva Pallankë dhe në fazën tjetër deri në kufirin Deve Bair, një investim prej mbi 700 milionë euro, është një hap serioz në zhvillimin e rrjetit hekurudhor rajonal. Nisur nga rëndësia e Korridorit 8 si pjesë e rrjetit europian të transportit, ndërtimi i kësaj hekurudhe është një parakusht për një zhvillim të qëndrueshëm ekonomik jo vetëm për vendin tonë, por edhe për të gjithë rajonin. Vizita e sotme në këtë seksion të parë së bashku me ministrin Spasovski dhe drejtorin Trifunovski është dëshmi se sa e rëndësishme është kjo hekurudhë, jo vetëm si investim për Qeverinë, por si projekt kapital që do të mundësojë një kontribut të madh social për qytetarët, për ekonominë. dhe për të gjithë vendin, tha ministri Boçvarski.

Ndërtimi i hekurudhës nga Kumanova në GP Deve Bair është një investim prej mbi 700 milionë euro.

“Nga inspektimi i sotëm mund të konstatojmë se punimet ndërtimore në pjesën hekurudhore Kumanovë-Beljakovc po ecin sipas dinamikës së paraparë, deri më tani kemi 44% të realizimit. Shifrat flasin për suksesin e këtij projekti, ndaj me të drejtë mund të them se kjo kontratë është një shembull sesi duhet menaxhuar një projekt kaq i rëndësishëm. Gjithashtu dua të theksoj se investimi në të tri fazat e pjesës lindore të Korridorit 8 paraqet investimin më të madh në hekurudhë.

infrastrukturës nga pavarësia e deri më sot”, tha drejtori i NP HRMV Zoran Trifunovski.

Ministri theksoi se Kuvendi ka miratuar edhe Ligjin për Liberalizimin e Komunikacionit Hekurudhor, proces ky i cili pritet të sjellë operatorë të rinj që do të lëvizin në hekurudhat vendore si kusht për rritjen e konkurrencës në qarkullimin e mallrave.