Hazard konfirmon përplasjen me Ancelottin

Ylli i Real Madridit, Eden Hazard ka zbuluar shkallën e marrëdhënies së tij të dëmtuar me Carlo Ancelottin.

Belgu ka kaluar dhe po kalon një kohë të mjerueshme në Madrid, për shkak të lëndimeve dhe mospërputhjes, me ish-anësorin e Chelseat që lufton për të arritur formën që e bindi klubin spanjoll të paguajë 100 milionë euro për të në 2019.

32-vjeçari ka pranuar zhgënjimin e tij për mungesën e minutave me Los Blancos, pasi Ancelotti e ka bojkotuar atë nga ekipi i parë.

Lexo po ashtu Hazard nuk e shijoi lojën në ‘Katar 2022’, tregon pse nuk donte të luajë për Belgjikën

Ai nuk ka luajtur asnjë minutë në  La Liga apo Ligën e Kampionëve që nga kthimi i tij nga Kampionati Botëror, pavarësisht se ishte i aftë për të luajtur.

Hazard foli për situatën, së bashku me pranimin e vendimit të tij për t’u pensionuar nga Belgjika, u ndikua shumë nga mos luajtja në Madrid.

“Do të doja të qëndroja. E kam thënë gjithmonë këtë. Shpresoj të luaj dhe të tregoj se ende mund ta bëj”, ka thënë ai për AS.

Lexo po ashtu Ancelotti nuk llogarit në të: Real Madridi do të shpëtojë nga blerja e tyre më e keqe në histori në këtë verë

“Njerëzit kanë dyshime, kjo është normale, e kuptoj. Por për mua, unë jam ende këtu vitin e ardhshëm. Asnjëherë nuk e dini, por një transferim nuk është në planin tim”.

“Ka respekt mes Ancelottit dhe meje. Por, nuk do të them se flasim me njëri-tjetrin, sepse nuk e bëjmë këtë. Por, do të ketë gjithmonë respekt”.

“Duhet të kem respekt për një njeri si Ancelotti. Për atë që përfaqëson për futbollin dhe për atë që ka bërë në karrierën e tij”, ka shtuar më tej belgu.

Real Madridi është i hapur për të shitur Hazardin këtë verë, pasi ai hyn në 12 muajt e fundit të kontratës së tij. /Telegrafi/