Haxhiu i përgjigjet Kastratit: Nuk merrem me ty, nuk hupi kohë

Ministria e Drejtësisë, Albulena Haxhiu në seancën e sotme i është përgjigjur deputetit të PDK-së, Ardian Kastrati pas kritikave të këtij të fundit lidhur me Projekt-kodin e Procedurës Penale.

“Me ty s’ja vlen as mu marr, më fal. Nuk hupi kohë mu marr me ty. Qysh një person i tillë i thotë vetit deputet i Kuvendit”, i është drejtuar Haxhiu deputetit Kastrati.

Lexo po ashtu Haradinaj i përgjigjet Kurtit për demarkacionin: Dy nga tri dokumentet e miratuara, e përcaktojnë kufirin në Çakorr dhe Zhleb

Ministrja më tej ka sqaruar edhe çështjen e suspendimit të zyrtarëve kur kanë aktakuza, çështje kjo për të cilën kishte parashtruar pyetje më parë shefi i Grupit Parlamentar të PDK-së, Abelard Tahiri.

“Në draftin që e kemi gjetur në ministri, ka qenë që zyrtarët të suspendohen për të gjitha veprat penale ndërkaq ne e kemi kufizuar këtë dhe e kemi bërë për veprat penale kundër rendit kushtetues dhe sigurisë së Republikës së Kosovës, kundër jetës dhe trupit, kundër integritetit seksual, krimit të organizuar, korrupsionit zyrtar, detyrës zyrtare, trafikimit me njerëz, shpërlarje parash… këto janë veprat penale për të cilat zyrtarët mund të suspendohen nëse ngritët aktakuzë”, tha Haxhiu. /Telegrafi/