Harry Styles shfaq talentin në dizajn mode ndërsa bashkëpunon me Gucci për një koleksion veshjesh

Ai ka mahnitur audiencën jo vetëm me këngën e tij, por edhe me zgjedhjet e jashtëzakonshme të veshjeve në shfaqjen e tij “Love On Tour”.

Dhe Harry Styles tani i ka kthyer talentet e tij në dizajn duke bashkëpunuar me shtëpinë ikonike italiane të modës Gucci për të krijuar një koleksion të ri kapsulë ‘bohemiane’.

Muzikanti dhe aktori, bashkoi forcat me drejtorin kreativ të markës luksoze Alessandro Michele për të krijuar një linjë të quajtur “HA HA HA” – një lojë me inicialet e çiftit, e cila debutoi në Milano dhe do të arrijë në dyqane në tetor.

Alessandro Michele tha: “Harry ka një sens të jashtëzakonshëm të modës. Duke vëzhguar aftësinë e tij për të kombinuar veshjet në një mënyrë që nuk është e zakonshme në krahasim me standardet e kërkuara të shijes dhe sensit të përbashkët dhe homogjenizimit të pamjes”.

Lexo po ashtu Harry Styles ndihmon një fans në koncert të tregoj hapur orientimin e tij seksual

“Kam kuptuar se stili i një pamje është një gjenerues i dallimeve dhe fuqive, siç janë reagimet e tij ndaj dizajneve që kam krijuar për të, të cilat ai i ka bërë gjithmonë të tijat; këto reagime më rikthejnë me një vrull lirie çdo herë”.

Gucci e bëri të ditur lajmin emocionues gjatë një konference për shtyp në Javën e Modës për Burra në Milano.

Lexo po ashtu Harry Styles rigjen unazën Gucci që humbi në “Coachella”

Këngëtari i hitit “As It Was” dhe stilisti italian i modës kanë punuar për një koleksion kapsulë, i cili do të përfshijë një sërë kostumesh që përziejnë si mashkulloritetin ashtu edhe elegancën.

Linja prej 25 pjesësh gjithashtu do të shfaqë energjinë lozonjare të Harry përmes pantallonave, këmishave, palltove dhe disa aksesorëve. /Telegrafi/