Hargreaves: Van de Beek mund të jetë Thomas Mulleri i Manchester Unitedit

Ish-lojtari i Manchester Unitedit, Owen Hargreaves nuk ka dyshim se Donny van de Beek do të bëhet pjesë kryesore e ekipit të parë të Djajve të Kuq, duke sugjeruar se ai mund të ketë një ndikim të ngjashëm me legjendën e Bayern Munich, Thomas Muller.

Van de Beek përfundoi një lëvizje në Old Trafford gjatë verës pasi United mundi Real Madridin në garë për nënshkrimin e yllit të Ajaxit.

Që prej transferimit në Old Trafford, holandezi ka pasur një ndikim të kufizuar, duke qenë i mbyllur në stol ndërsa vazhdon të presë ndeshjen e të parë si titullar në Ligën Premier.

Lexo po ashtu Cavani dhe Van de Beek vlerësohen si dy transferimet më të këqija të verës në Ligën Premier

Mesfushori ka pasur mundësinë të paraqitet si titullar në Ligën e Kampionëve të mërkurën në fitoren 5-0 të RB Leipzig përpara se të lironte vendin për Bruno Fernandesin.

Dhe ndërsa ai është ende po lufton për të treguar formën e tij më të mirë në ato pak mundësi që ka pasur deri më tani për United, Hargreaves beson se është vetëm çështje kohe para se ai të bëhet një pjesë e padiskutueshme e planeve të Ole Gunnar Solskjaer.

“Unë mendoj se ai është një lojtar me të vërtetë i mirë. Ai nuk ka pasur mundësinë ta tregojë atë. Ai mund të jetë sikurse Thomas Muller që është për Bayern Munichun”, ka thënë fillimisht Hargreaves për BT Sport.

Lexo po ashtu Evra thotë se Unitedi nuk ka nevojë për Van de Beek, ndërsa Neville befasohet pse holandezi nuk po luan

“Të gjithë u përpoqën ta nxirrnin Thomas Muller nga ekipi, por sapo ai të hyjë, ju nuk mund ta nxirrni atë pasi sa i përket golave, asistimeve, ai është shumë vetëmohues, ai mund të shtypë topin, ai punon në një mesfushë me tre dhe mund të luaj si 8 ose 10”.

“Van de Beek është një nga ata … që sapo të inkuadruohet në ekip, Ole do ta ketë të vështirë ta nxjerrë atë jashtë”, përfundoi ish-ylli anglez. /Telegrafi/