Haradinaj-Stublla i reagon Lajçakut: Të punosh me harta fantazmë është krejtësisht joprofesionale, dhe e mangët

Ministrja në detyrë e Punëve të Jashtme, Meliza Haradinaj-Stublla ka reaguar ndaj Miroslav Lajçak, të dërguarit të Bashkimit Evropian (BE) për dialogun Kosovë-Serbi, ku në zyrën e tij kishte shfaqur hartën e Evropës me Kosovën si pjesë e Serbisë.

Haradinaj-Stublla përmes një statusi në rrjetin social në Twitter ka shkruar se Lajçak duhet të përdorë hartën që ia ka dërguar ajo përmes postës diplomatike.

Lexo po ashtu BE për hartën ku shfaqet Kosova si pjesë e Serbisë: Kemi pozicion neutral

“E kuptova që të duhet një hartë e saktë e # WB6, prandaj të dërgova një me postë diplomatike. Të punosh me harta fantazmë është krejtësisht joprofesionale dhe e mangët”, ka shkruar ajo.

Ajo po ashtu përmes këtij statusi iu drejtua Lajçakut, se sa më gjatë ta shmang hartën që ia ka dhuruar, aq më gjatë puna e tij do të jetë e dështuar.

“Sa më gjatë që të shmangni hartën që ju kam dhuruar, aq më gjatë puna juaj do të jetë e dështuar”, ka shkruar ndër të tjera Haradinaj-Stublla në Twitter. /Telegrafi/

Mirëdita @MiroslavLajcak: Maps matter!

Realized you need an accurate map of #WB6, so I sent you one by diplo courier. Working w/ zombie maps is utterly unprofessional, hence the deficiencies.

The longer you avert the map I gifted you, the longer your work will be a failure.

— Meliza Haradinaj (@MelizaHaradinaj) February 25, 2021