Hansi Flick më në fund zbulon arsyen pse e la Vitor Rouqen të largohet nga Barcelona

Trajneri i Barcelonës, Hansi Flick, ka shpjeguar se ai mendonte se do të ishte më e dobishme për Vitor Roquen që të largohet nga klubi në verën pasi u transferua atje. 

Roque iu bashkua Real Betisit në formë huazimi këtë verë, por ata kanë mundësinë për të blerë 50 për qind të kartonit të lojtarit në fund të sezonit. 

Roque ka folur gjerë e gjatë për vështirësitë nëpër të cilat kaloi tek Barcelona dhe për ndjenjën se ai nuk ishte i dëshirueshëm apo i besueshëm atje. 

Momentalisht braziliani ka pesë gola në 18 paraqitje për Betisin këtë sezon, por është bërë titullar i padiskutueshëm nën urdhrat e Manuel Pellegrinit. 

Flick u pyet nëse ishte i shqetësuar se 18-vjeçari mund të rikthehet për ta ndëshkuar Barcelonën. 

“Jo, unë besoj tek lojtarët e mi, çdo skuadër ka lojtarë të mirë dhe është e njëjta me Real Betisin”. 

“Kështu që duhet të kujdesemi për të dhe të mbrohemi mirë, me të gjithë skuadrën, si një grup. Natyrisht ai po bën mirë dhe po shikon para për këtë ndeshje”. 

Lexo po ashtu Flick nuk dëshiron të rrezikojë, mësohet ndeshja kur do të rikthehet plotësishtë Ronald Araujo

“Mendoj se ai nuk e pati situatën më të mirë të mundshme kur erdhi tek Barcelona, unë flisja ndonjëherë me të, kur do që ishte aty dhe e ndjeja se ai nuk ishte i lumtur”. 

“Kështu që ishte vendimi i duhur për të të shkonte diku tjetër. Është mirë për të. Unë jam i lumtur për të. Nga ana njerëzore, është një gjë e mirë”, ka thënë Flick./Telegrafi/