Hansi Flick konfirmon lëndimin e yllit të Barcelonës

Barcelona ka pasur vështirësi që të ballafaqohet me problemet me lëndime deri më tani këtë sezon dhe tashmë ata kanë marrë një tjetër lajm të keq para duelit me Real Sociedadin të dielën.

Në 24 orët e ufndit, raportimet nga Spanja kanë bërë me dije se Andreas Christensen ka pësuar sërish një lëndim, vetëm pak kohë pasi mori dritën e gjelbër për t’u rikthyer në fushë pas disa problemeve muskulore.

Fatkeqësisht për Barcelonën, ky lajm është konfirmuar sot (e shtunë) nga trajneri Hansi Flick në konferencën për shtyp para ndeshjes.

“Christensen është lënduar në stërvitje dhe ne do të duhet të presim për të parë se sa serioze është”, ka thënë Flick.

Ka qenë një sezon i mjerueshëm për Christesnen, i cili ka qenë e pritur të jetë një lojtar shumë i rëndësishëm për Flick.

Ai ka luajtur vetëm 26 minuta të cilat kanë ardhur në javën hapëse të kampionatit ndaj Valencias, pasi menjëherë më vonë iu desh t’i nënshtrohej operimit që e la jashtë fushave për pesë muaj.

Lexo po ashtu Ylli i Barcelonës e do Real Madridin si kundërshtar në finale të Ligës së Kampionëve

Christensen i cili është lidhur me një largim nga Barcelona në verë, do të rikthehej në listën e të ftuarve në janar për ndeshjet ndaj Getafes, Benficas dhe Valencias, ani pse nuk u paraqit në asnjërën prej tyre.

Sipas një raportimi nga Diario AS, Christensen do të mungojë për tri javë, që do të thotë se ai do të humbasë sfidën ndaj Sociedadit, si dhe të dyja ndeshjet në Ligën e Kampionëve ndaj Benficas./Telegrafi/