Hannover përgëzon yllin e tyre për debutimin te Kosova: Muslija përjetoi një moment historik

Florent Muslija është futbollisti më i ri që ka debutuar me Përfaqësuesen e Kosovës.

Ylli nga Kosova luan prej vitesh në futbollin gjerman, ndërsa momentalisht aktivizohet tek skuadra e njohur Hannover 96.

Klubi gjerman ka përgëzuar Florentin për debutimin e tij me Kosovën, ndërsa më poshtë deklaruan se ai zgjodhi Dardanët pasi kishte marrë një vendim me zemër.

“Florent Muslija përjetoi një moment historik të dyfishtë të shtunën pasdite. Ai personalisht festoi debutimin me ekipin kombëtar në ndeshjen kualifikuese ndaj Republikës Çeke duke u aktivizuar në minutën e 56-të. ‘Flo’ kishte vendosur këtë verë të luante në vendlindjen e tij me një vendim zemre që e kishte marrë”.

“21-vjeçari veshi fanellën me numër 10 në debutimin e tij me ekipin kombëtar. Kosova fitoi 2-1 ndaj Çekisë para 13 mijë tifozëve entuziastë në Prishtinë”.

“Tani me teteë pikë pas katër ndeshjeve, skuadra e trajnerit Bernard Challandes zë një pozitë të mirë në Grupin A dhe të martën luan ndaj Anglisë”, shkruante faqja zyrtare e klubit gjerman. /Telegrafi/