Haluci po vjen…

Frakton ka qenë studio kreative dhe po vazhdon të jetë e tillë, dhe këtë po e dëshmon edhe kohëve të fundit pasi që është duke përgatitur një lojë të re të quajtur “Haluci” e cila sipas informacioneve të publikuara në rrjetin social Facebook, thuhet se është lojë që do të dedikohet për platformat Facebook, iOS dhe Android, dhe do të paraqitet në treg me 10 maj.

Edhe pse detajet kanë qenë të pakta qysh prej prezantimit të parë të lojës, ajo që dihet deri më tani është titulli i lojës “Haluci”, karakteri të cilin mund ta shihni në fotografinë e këtij artikulli, si dhe zhanri i lojës.

Nga pamjet e para të prezantuara aty loja mund të thuhet se i takon një zhanri “platforming-aventurë-down-scroll”, megjithëse kjo padyshim që do të precizohet saktë në momentin e lansimit.

Deri më tani këto janë informatat e vetme që i kemi në lidhje me lojën e parë të zhvilluar tërësisht nga një kompani shqiptare, por përderisa jemi në pritje të ditës së lansimit (10 maj është data e paralajmëruar në rrjetin social Facebook) informatat tjera padyshim që do të vijnë me kohë. Nëse jeni të interesuar për më shumë vizitoni faqen e lojës në Facebook apo faqen zyrtare www.haluci.com

/PCWorld Albanian