Hajnat tentuan të arratisen me një furgon – publikohen detaje të reja dhe pamjet e të shtënave nga ngjarja me katër të vdekur në Florida

Një shofer i një furgoni i cili u mor peng, një kalimtar dhe dy hajdutë të argjendarisë janë vrarë në një shkëmbim zjarri me policinë pas një tentim-vjedhje bizhuterish dhe ndjekje me shpejtësi të lartë në rrugët e Floridës.

Sipas mediave të huaja, përcjell Telegrafi, një punonjëse femër në dyqanin e argjendarisë u godit gjithashtu në kokë nga një plumb i një personi të armatosur. Ajo raportohet se ishte në gjendje të qëndrueshme.

Pasi pronari i dyqanit të argjendarisë nxori armën e tij dhe hapi zjarr mbi ta, të dy kriminelët e dëshpëruar u larguan nga dyqani me një furgon, të cilin ata e braktisën një milje larg.

Duke kërkuar ndonjë arratisje, hajdutët rrëmbyen një tjetër furgon dhe morën peng Ordonez ndërsa ata detyruan policinë për një ndjekje me shpejtësi të lartë përmes trafikut të rreptë të Miami.

Policia thotë se dy hajnat tentuan të vidhnin diamantet në dyqanin e Regent Jeweler’s në Miracle Mile.

Pasi kanë tentuar arratisjen e dytë, ata janë ndjekur nga një numër i madh i veturave të policisë, gjë që ka zgjatur deri kur ata janë “penguar” nga komunikacioni i dendur.

Pas kësaj, pasi autorët nuk iu përgjigjën thirrjes së policisë për t’u dorëzuar, ata kanë hapur zjarr duke vrarë të dy autorët.

Gjithashtu, të vdekur kanë mbetur edhe shoferi i furgonit të rrëmbyer dhe një kalimtar i rastit.

Ndërkohë mediat kanë publikuar momentet kur policia ndjek autorët dhe momenti i të shtënave. /Telegrafi/