Hailey Bieber ka ndarë fotografi të rralla me djalin e saj, Jack Blues, mes spekulimeve për martesën me Justin Bieber.
Themeluesja e ‘Rhode’, 28 vjeçe, postoi selfie duke mbajtur të voglin në krah, duke shijuar diellin.
Kjo vjen ndërsa fansat shprehin shqetësime për Justin-in, i cili së fundmi ndau një mesazh në Instagram ku theksonte se nuk ka asgjë për të dëshmuar dhe nuk i detyrohet askujt asgjë, shkruan DailyMail.
Fundjavën e kaluar, Hailey mori pjesë e vetme në festën pas ‘Oscars’, ndërsa Justin vazhdon të tërheqë vëmendjen me sjelljen e tij në rrjetet sociale.
Pavarësisht spekulimeve, çifti ka shfaqur bashkim në postime të fundit, përfshirë një fotografi të ditëlindjes së Justin-it ku ata shfaqen me djalin e tyre.
Një burim pranë çiftit tha për mediet se Hailey është e fokusuar në ndërtimin e biznesit të saj, ndërsa Justin preferon një qasje më të qetë dhe krijuese.
Megjithatë, Hailey mbetet mbështetëse ndaj bashkëshortit të saj, pavarësisht sfidave që po përballet çifti. /Telegrafi/
