Guardiola tregon se a do të përforcohen gjatë afatit kalimtar të janarit

Trajneri i Manchester Cityt , Pep Guardiola, ka ulur pritshmëritë për një rinovim të madh të skuadrës në afatin kalimtar të janarit, duke përmendur sfidat e nënshkrimit të talenteve të mëdha në mes të sezonit.

City aktualisht është në një seri prej një fitoreje në 11 ndeshje në të gjitha garat dhe ndodhet i pesti në tabelën e Ligës Premier.

Megjithatë, Guardiola është i kujdesshëm në lidhje me nënshkrimet në janar, duke preferuar të fokusohet në zgjidhje afatgjata sesa në rregullime afatshkurtra.

Lexo po ashtu "Nëse bie gjashtë herë, duhet të ngrihesh shtatë", Pep Guardiola flet përsëri për humbjet radhazi të Man Cityt

“Në dimër, është më e vështirë të bëhet. Ne nuk jemi tifozë të mëdhenj të afatit kalimtar të dimrit”, ka thënë fillimisht Guardiola.

“Rrethanat këtë sezon janë të veçanta, por duhet të shohim nëse vërtet duhet të bëjmë diçka”.

Guardiola theksoi hezitimin e skuadrave për të shitur lojtarët e tyre kryesorë në mes të sezonit, duke e bërë të vështirë sigurimin e nënshkrimeve cilësore.

“Ekipet nuk shesin. Ato që nuk duan t’i shesin, janë kaq të shtrenjta”.

Në vend të kësaj, Guardiola po i mbështet shpresat e tij në rikthimin e lojtarëve të lënduar për të forcuar skuadrën e tij.

“Lehtësimi është duke i rikthyer lojtarët. Duke pasur skuadrën aty, ne do të jemi skuadra që ishim”, përfundoi trajneri i Cityt.

City do të përballet me Aston Villa sot (e shtunë) dhe Guardiola do të shpresojë që skuadra e tij të kthehet në rrugët e fitoreve dhe të ngjitet në tabelën e Ligës Premier. /Telegrafi/