Gruaja e “armatosur” me revole të plastikës mban peng punonjësit e një banke në Bejrut – ngjarjen e transmeton direkt

Sally Hafez, 28-vjeçe, “pushtoi” ballinat e gazetave kur u fut në një bankë në Bejrut të Libanit, duke i kërcënuar punëtorët me revole të plastikës.

Incidenti ndodhi në bankën Blom në qendër të Bejrutit, ku kjo grua kërkoi që t’i lëshohen paratë të cilat i ishin ngrirë nga llogaria, transmeton Telegrafi.

Kjo është kriza e dytë e pengmarrjes që ndodhi brenda dy muajve, si rezultat i një krize të madhe bankare ku qytetarët ankohen se nuk kanë qasje në paratë e tyre.

E në mungesë të valutave të huaja, bankat po refuzojnë t’i paguajnë qytetarët në një “valutë të fuqishme”.

BEIRUT: Video of another Bank – hostage situation today as citizen Sally Hafez threatened bank employees with fake pistol to get her own money out to treat her sister with cancer. She reportedly got $13,000: pic.twitter.com/2aIOnSXxo7

— Joyce Karam (@Joyce_Karam) September 14, 2022

Videoja që po qarkullon në rrjetet sociale, shfaq një grup qytetarësh që hyjnë në bankë, e gruaja e identifikuar si Sally Hafez nxjerr revolen dhe i merr peng disa persona.

Dëshmitarët në mesin e të cilëve ishte edhe fotografi i AFP-së, pretendon se Hafez dhe bashkëpjesëmarrësit në këtë krim, e spërkatën bankën me benzinë.

Hafez e transmetoi ngjarjen direkt në rrjetet sociale, dhe tha se “nuk do të vrasë askënd e as që do t’ia vë zjarrin bankës”, por se thjesht po lufton për të drejtat e saj.

Pas intervenimit të policisë, ajo është arrestuar kurse për Reuters kanë konfirmuar se askush nuk është lënduar në këtë incident. /Telegrafi/