Gruaja 82 vjeçare nga Virxhinia është lojtarja më e vjetër e hokejit në botë

Një grua 82 vjeçare është lojtarja më e vjetër e hokejit në botë, sipas Librit të Rekordeve Botërore Guinness.

Linda Sinrod, nga Lorton i Vancouver, ishte një patinatore artistike përpara se të dashurohej me hokej në moshën 35 vjeçare, kur një shoqe e pyeti nëse donte të provonte këtë sport gjatë një vizite në një pellg të ngrirë.

Sinrod-it i pëlqente aq shumë hokeji, saqë u bë një anëtare themeluese e ekipit të parë të hokejit të grave në zonën e Uashingtonit, D.C.

Ajo luajti për 10 vjet dhe më pas u largua nga ekipi për më shumë se një dekadë përpara se të rilidhej me ish-shoqet e saj të skuadrës, shkruan UPI, transmeton Telegrafi.

“Pas daljes në pension, desha të shoh se çfarë po bënin shoqet e mija të vjetra të skuadrës dhe zbulova se njëra ishte trajnere e ekipit të Prince William Wildcats, kështu që në moshën 67-vjeçare vendosa t’u bashkohem atyre”, tha ajo.

Shokët e skuadrës së Sinrodit i kërkuan asaj të largohej nga Wildcats në moshën 75 vjeçare, sepse ajo kishte vështirësi për të vazhduar me to.

Ajo nuk donte të hiqte dorë nga hokeji, kështu që filloi të luante në një ligë për femra ku ekipet zgjidheshin dy herë në vit.

“Unë kam qenë gjithmonë personi më i vjetër që luaja, kështu që gjithmonë kam qenë kurioze ta di se sa vjeç ishte lojtarja më e vjetër e hokejit dhe përfundimisht kur mbusha 80 vjeç, kontrollova Rekordet Botërore Guinness për të parë se sa vjeç ishte më e vjetra”, tha Sinrod. /Telegrafi/