GPS – pika e dobët e fluturakeve pa pilot

Edhe pse Ministria amerikane e mbrojtjes si arsyen e zënies rob të fluturakes ultramoderne Sentinel RQ-170 (fluturake spiun pa pilot) nga ana e Iranianëve e ceku “prishjen” e paspecifikuar, duket se nuk bëhej fjalë për kurrfarë prishje, por se Sentinel veproi pikërisht ashtu siç pritej nga ai.

Në të vërtetë, sipas shkrimit të Christian Science Monitor, hakerët iranian ia dërguan fluturakes GPS sinjalet e rreme të cilët kompjuterëve brenda saj ia dhanë fotografinë e rreme rreth hapësirës, po ashtu edhe kohës, duke bërë kështu që ajo në gjendje krejtësisht të rregullt të ateroi në territorin iranian. Kjo është një mënyrë shumë më elegante dhe më e mençur nga tentimet për thyerjen e mbrojtjes së sinjaleve për menaxhim të fluturakes. Pengimi i sinjalit me të cilin kontrollohet fluturakja bën që ajo të kaloj në mënyrën automatike të punës, e për navigacion përdor koordinatat GPS.

Sipas pohimeve ushtria amerikane që nga viti 2003 e dinte për dobësinë e sinjalit GPS, por, siç duket, shpresonte që të tjerët mos ta marrin vesh këtë gjë.

Sentinel i Lockheed-Martin është duke u përdorur në flotën luftarake ajrore (shërbimet e të cilës përdor edhe CIA) nga viti 2007, e bëhet fjalë për një fluturake “të padukshme”, që i ngjan bombarduesit B2B, e cila kryesisht i dedikohet vrojtimit optik dhe elektronik, por (supozohet) edhe me mundësi të bartjes së pajisjeve për luftë elektronike.

Përndryshe, Amerikanët, të cilët vrojtimet në hapësirën ajrore iraniane i bënin në mënyrë ilegale dhe në kundërshtim me konventat ndërkombëtare, përmes ambasadës së Zvicrës i dërguan kërkesë Iranit, që të ua kthej Sentinelin e tyre … /Telegrafi/