Google po bën ndryshime të mëdha për të mbrojtur të miturit

Google po bën ndryshime në Youtube dhe aplikacione të tjera për të mbrojtur fëmijët midis moshës 13 dhe 17-vjeç.

Me përditësimin e fundit, Google ka lejuar të miturit ose prindërit e tyre të kërkojnë heqjen e fotografive të tyre nga kërkimi i imazheve në Google, të cilat Google i tërhoqi nga videot e tyre në Youtube, të cilat janë automatikisht private.

Me këtë veprim, Google dëshiron të mbrojë fëmijët e mitur që krijojnë dhe postojnë video në Youtube. Ata gjithashtu duan të lejojnë prindërit të kenë kontroll mbi përmbajtjen që publikohet dhe ku do të shihet e gjitha.

Kjo vlen kryesisht për Youtube dhe Youtube Kids.

Gjithashtu, Google njoftoi se do të heqë “shumë përmbajtje komerciale” në Youtube Kids dhe do të përjashtojë reklamat, në mënyrë që t’i mbrojë fëmijët nga “ndikimi i drejtpërdrejtë mbi ta, në mënyrë që të mos shpenzojnë para për produkte”.

Sa i përket aplikacioneve të tjera, Google do të çaktivizojë historinë e vendndodhjes për të miturit dhe ata nuk do të jenë në gjendje ta kthejnë atë përsëri vetë.

Reklamat e synuara gjithashtu do të bllokohen për të gjitha kanalet e drejtuara nga të miturit. /Telegrafi/