Golfi elektrik po vjen më shpejt se sa pritej

Golf EV mund të dalë në treg në vitin 2029, apo edhe më herët.

Volkswagen kohët e fundit investoi shumë para në prodhuesin amerikan të veturave elektrike Rivian. Falë ekspertizës së softuerit të Rivian, Golf elektrik i shumëpritur mund të dalë në treg përpara afatit.

Por, Handelsblatt i Gjermanisë raporton gjithashtu se Volkswagen ka vendosur të vonojë prodhimin e veturës Trinity, modeli më i mirë që duhej të konkurronte me Modelin S të Teslës.

Ajo veturë thuhet se nuk do të dalë në treg deri në vitin 2032, gjashtë vjet pas datës origjinale.

Domethënë, Trinity ishte dashur të prezantohej në vitin 2026, por afati u shty disa herë.

Pritej të dilte në prodhim në vitin 2028, më pas në 2030 dhe tani po përmendet 2032, mësoi Handelsblat nga një burim i brendshëm i kompanisë.

Trinity EV pritej gjithashtu të ishte automjeti i parë elektrik i Volkswagen në Platformën e re Mekanike të Avancuar (SSP).

VW po vonon prezantimin për shkak të ngadalësimit të shitjeve të automjeteve elektrike dhe planit të ri të CEO Oliver Blum për uljen e kostove. Kështu, Golf do të bëhet automjeti i parë i lançuar në platformën SSP.

Pas shpalljes së një partneriteti të ri me Riviana, Volkswagen pret që sipërmarrja e re e përbashkët të japë rezultate.

VW planifikon të investojë deri në 5 miliardë dollarë, nga të cilat 3 miliardë do të shkojnë drejtpërdrejt në Rivian dhe 2 miliardë dollarë në sipërmarrje të përbashkëta.

Platforma MEB e Volkswagen do të përmirësohet në MEB+ deri në vitin 2026, me ndihmën e zgjidhjeve softuerike Rivian.

Falë ndihmës së Rivian, platforma PPE në të cilën bazohet Porsche Macan EV i ri do të marrë gjithashtu një përmirësim të softuerit gjatë 36 muajve të ardhshëm.

Golf EV më në fund mund të dalë në treg në vitin 2029, apo edhe më herët, si modeli i parë i bazuar në platformën e re SSP. /Telegrafi/