Golashënuesit më të mirë në Ipko Superligën e Kosovës, Kastriot Rexha shkëputet në krye

Kanë përfunduar dy fazat e para në IPKO Superligën e Kosovës në futboll.

Feronikeli i ka mbyllur këto dy faza në krye të tabelës, me pesë pikë para Prishtinës dhe Llapit.

Skuadrat tjera janë duke u munduar që deri në fund të marrin sa më shumë pikë për t’iu shmangur barazhit apo rënies.

Ndërkohë edhe në krye të listës së golashënuesve në elitën e futbollit kosovar është një futbollist nga Feronikeli.

Sulmuesi Kastriot Rexha me dy golat e shënuar ndaj Gjilanit ka arritur në koutën e 11 golave.

Kësisoj Rexha është shkëputur dhe aktualisht mban i vetëm pozitën e parë të golashënuesve.

Pozita e dytë ndahet nga talenti i Llapit, Festim Aliedma dhe sulmuesi i Flamurtarit, Alban Shillova që kanë realizuar nga nëntë gola.

Ndërkohë lista vazhdon me Betim Haxhimusën e Dritës, Fatih Karahodën e Lirisë dhe Mendurim Hotin e Feronikelit me nga shtatë gola. /Telegrafi/

1. Rexha K.         KF Feronikeli         11 gola
2. Alidema F.    KF Llapi                  9
3. Shillova A.     Flamurtari               9
4. Haxhimusa B. Drita                       7
5. Hoti M.           KF Feronikeli          7
6. Karahoda F.  Liria                           7
7. Fetahaj L.       Liria                          6
8. Krasniqi E.    Flamurtari               6
9. Mirchevski M. Trepca 89              6
10. Baftiu B. KF    Ballkani                5