Një grua lirisht mund të quhet si njeriu më me fat, pasi në sekondën e fundit është nxjerrë nga vetura e përfshirë nga zjarri në një autostradë në New York.
Ata e nxorën një grup kalimtarësh të rastit që intervenuan duke e nxjerrë zvarrë nga vetura që ishte përfshirë nga zjarri, transmeton Telegrafi.
Gruaja e identifikuar si Susan Denise, 56-vjeçe, ishte duke shkuar në shtëpi me veturën Jeep Liberty, kur mjeti goditi rrethojën mbrojtëse që ndanë korsitë dhe u përfshi nga zjarri.
Por po të mos ishin kalimtarët e rastit ajo tashmë do të ishte e vdekur, pasi mjeti ishte përfshirë nga zjarri dhe çdo çast pritej që të shpërthente.
Sipas policisë në New York, incidenti ka ndodhur në autostradën pranë Long Island, ku tri nga katër korsitë u mbyllën për disa orë pas përplasjes së veturës që më pas u përfshi nga zjarri.
Megjithatë, akoma nuk dihet se si erdhi deri te përplasja e veturës në rrethojën mbrojtëse që ndante koritë e kësaj autostrade. /Telegrafi/
