Gjykata Penale: Mile Janakieskit i është llogaritur edhe paraburgimi dhe arresti shtëpiak

Në gjykimin në bazë të pranimit të fajit të të akuzuarit Mile Janakieski për rastin “Titanik”, si dhe në vendimin e Apelit me të cilin konfirmohet aktvendimi i shkallës së parë dhe në urdhrin për zbatim të dënimit të shqiptuar me burg llogaritet edhe koha e kaluar në paraburgim dhe në arrest shtëpiak për lëndën konkrete, informojnë nga Gjykata Themelore Penale Shkup.

“Në aktgjykimin e marrë në bazë të pranimit të fajësisë me KOK. nr. 7/18, si dhe në vendimin e Gjykatës së Apelit – Shkup, me të cilin vërtetohet aktgjykimi i shkallës së parë, por edhe në urdhërin për ekzekutimin e sanksioneve nga gjykatësi, thuhet se koha e kaluar në paraburgim Llogaritet, gjegjësisht nga data 14.11.2018 deri më 26.02.2019, si dhe koha e mbajtur në arrest shtëpiak e llogaritur nga 28.02.2022 deri në fillimin e vuajtjes së dënimit me burg më 06.07.2023, pra rreth një vit e nëntë muaj”.

“Që do të thotë se paraburgimi dhe arresti shtëpiak për rastin konkret tashmë janë llogaritur në aktgjykim dhe në përputhje me Komentin e Kodit Penal të akademikut Vllado Kambovski (fq. 485 dhe 486): Nocioni i çdo privimi të lirisë i përfshin edhe paraburgimin, si dhe dënimin ose masën e sigurisë që konsiston në heqjen e lirisë për të njëjtën vepër, të kryer jashtë vendit (neni 121) … … Në të gjitha rastet është e nevojshme që paraburgimi dhe dënimi i vuajtur ose masa e sigurisë të kenë lidhje me veprën penale për të cilën kryerësit të veprës i është shqiptuar dënimi”, thuhet në kumtesën e Gjykatës Penale.

Sa i përket kërkesës për Rihetim të jashtëzakonshëm të gjykimit, e njëjta, siç theksojnë nga Gjykata Themelore Penale në Shkup, pas skadimit të të gjitha Afateve të përcaktuara ligjore për dorëzim të aktgjykimit për të akuzuarit e tjerë për të cilët Gjykata e shkallës së dytë e konfirmoi gjykimin e miratuar në bazë të pranimit të fajit, do të kompletohet dhe dorëzohet në Gjykatën Supreme të RMV-së, si gjykatë kompetente për të vendosur për kërkesën.