Gjykata e Francës refuzon sërish ankesën e Benzemas për rastin me Valbuenan

Karim Benzema është refuzuar sërish nga Gjykata Supreme e Francës për rastin me Matthieu Valbuenan.

Gjykata franceze hodhi poshtë të hënën ankesën e sulmuesit të Real Madridit, për t’u çliruar nga akuza që e përndjek prej vitit 2015 për përfshirjen e tij të dyshuar në një përpjekje për të shantazhuar shokun e tij të atëhershëm të skuadrës së kombëtares së Francës, Valbuenas.

Gjykatësit e autoritetit më të lartë gjyqësor konsideruan se hetuesit nuk i kaluan kufijtë legjitimë për të marrë prova, në kundërshtim me atë që lojtari pretendonte.

Kjo do të thotë se qëndron në fuqi vlefshmëria e të gjitha atyre provave të mbledhura nga prokuroria, të cilat mund të çojnë  Benzeman në bankën e të akuzuarit në fund të procedurës së hetimit.

Sulmuesi që nga atëherë nuk ka zhvilluar asnjë paraqitje me kombëtaren e ‘Gjelave’ dhe Didier Deschamps nuk dëshiron as ta marrë në konsideratë për ta ftuar atë.

Benzema javë më parë kishte bërë të ditur se nëse Franca nuk e do, atëherë do të tentojë të luajë për kombëtaren e Algjerisë.

Algjerianët e kanë refuzuar menjëherë interesimin e tij dhe që nga viti 2015, sulmuesi francez që ka prejardhje algjeriane, ka harruar se si është të luadh në një ndeshje ndërkombëtare. /Telegrafi/