Gjykata e Apelit refuzon kërkesën e prokurorisë ndaj një të pandehuri për vepër penale

Departamenti i Krimeve të Rënda i Gjykatës së Apelit, e ka refuzuar si të pa bazuar ankesën e prokurorisë, në rastin e të akuzuarit Be. M.

Sipas një njoftimi për media, aktgjykimi lirues i Gjykatës Themelore në Gjakovë, sa i përket veprës penale veprën penale  “Vrasje e rëndë” është vërtetuar.

“Pjesa e aktgjykimit të gjykatës së shkallës së parë që ka të bëjë më  akuzuarit Bl. M.  dhe Be.M., për veprën penale (secili veç e veç)  “Mbajtja në pronësi, kontroll ose posedim të paautorizuar të armëve”  nga neni 374 i  KPRK-së, ka mbetur e paprekur. Ndërsa ankesa e përfaqësueses së autorizuar  të palës së dëmtuar,  është hudhur si e pa lejuar”, thuhet në njoftim.

Tutje në njoftim thuhet se Gjykata e Apelit ka gjetur se aktgjykimi i atakuar më ankesë, nuk përmban shkelje esenciale të dispzotave të procedurës penale, se gjendja faktike është vërtetuar drejtë dhe në mënyrë të plotë dhe se drejtë po ashtu janë aplikuar dispozitat e të drejtës materiale.

“Sa i përket ankesës se palës së dëmtuar, Gjykata gjeti se ajo është e pa lejuar,  ngase sipas dispozitave të KPP-së, i dëmtuari mund të paraqes ankesë lidhur me sanksionin penal, vetëm për kapituj të caktuar  të KPRK-së”, thuhet ndër të tjera në njoftim. /Telegrafi/