Pajtim Kasami është duke kaluar ditët e fundit tek skuadra greke Olympiakos.
Mesfushori shqiptar me pasaportë zvicerane nuk është në planet e trajnerit Besnik Hasi.
E ardhmja e tij pritet të jetë në kampionatin zviceran ku ka bërë karrierë edhe më parë.
Gjiganti zviceran, Grasshopper është duke insistuar për transferimin e Kasamit në elitën e futbollit helvetik.
Mediat zvicerane kanë raportuar se krerët e klubit kanë pasur një takim me agjentin e lojtarit për një kontratë katër vjeçare.
Kasami pritet të nënshkruajë me Grasshopperin deri në vitin 2021, ndërsa për të do të ishte një rikthim në Superligën e Zvicrës.
Kujtojmë që vitin e fundit Kasami ishte i huazuar në Championshipin anglez tek Nottingham Forest. /Telegrafi/
