Kosova do të luajë të enjten ndaj Gjibraltarit një ndeshje miqësore e caktuar nga UEFA.
Ekipi përfaqësues i Gjibraltarit ka arritur në Kosovë të hënën, ndërsa sot e ka mbajtur stërvitjen e parë në Drenas.
Faqja zyrtare ka postuar foto nga stërvitja e mbajtur në ‘Rexhep Rexhepi’, duke e cilësuar Kosovën si një prej ekipeve më në formë në Evropë.
“Edhe dy ditë. Punë e madhe për tu përballur më njërën prej ekipeve më në formë në futbollin evropian”, shkruan federata e përfaqësuese mike.
Ndeshja mes Kosovës dhe Gjibraltarit zhvillohet të enjten nga ora 18:00. /Telegrafi/
