Gjesti i jashtëzakonshëm nga Boateng, shënon gol dhe ia dedikon Abdelhak Nourit (Foto/Video)

Kevin Prince Boateng ka qenë lojtari kryesor i ndeshjes së djeshme mes Borussia Moenchegladbach dhe Eintracht Frankfurt.

Mesfushori ganez, shënoi golin e vetëm në këtë sfidë në minutën e 13-të.

Por ajo që i bëri të gjithëve përshtypje në stadium ishte festimi i golit nga ish-anëtari i Milanit.

Boateng festoi duke treguar një fanellë me emrin e Abdelhak Nourit, talentit të jashtëzakonshëm holandez që kishte pësuar sulm në fushë.

Gjesti i Princit është përshëndetur shumë nga tifozët e futbollit të cilët e kanë lavdëruar për atë që ka bërë.

http://www.dailymotion.com/video/x604hs6

Pas ndeshjes Boateng ka deklaruar se nuk e njeh personalisht Nourin, por rasti i tij e ka prekur shumë.

“Festimi im ishte për vogëlushin Nouri. Të gjithë e dimë se çfarë ndodhi me të dhe desha t’ia kujtojë se ne lutemi për shëndetin e tij”, deklaroi Boateng për faqen zyrtare të Bundesligës.

Boateng ka bërë të ditur se në çdo takim do ta veshë fanellën e njëjtë me emrin Nouri dhe numrin 34.

“Ai ishte një talent i jashtëzakonshëm dhe ajo që ka ndodhur ishte një tragjedi”.

“Unë gjithmonë do ta veshë këtë fanellë ndër atë të Frankfurtit pasi çdo gol do të jetë për Nourin”, u shpreh Boateng.

20-vjeçari holandez pasi kishte pësuar sulm në ndeshjen miqësore Ajax – Werder Bremen, ka mbetur me dëmtime të përhershme të trurit dhe nuk pritet t’i kthehet fushave të futbollit. /Telegrafi/