Ambasadori gjerman konfirmon investimin prej 60 milionë eurosh për energji diellore në Kosovë

Ambasadori gjerman Jorn Rohde ka njoftuar se shteti i tij po investon mbi 60 milionë euro për energji diellore në Kosovë.

Rohde me anë të një postimi në Twitter është shprehur se kjo po bëhet për të mbështetur tranzicionin botëror të energjisë.

“I lumtur që po nisim investimin në energji diellore për Kosovën me një investim prej 60.6 milionë euro nga Gjermania bashkë me kryeministrin Albin Kurti”, ka theksuar ai.

Great to launch the ☀️⚡️#Solar4Kosovo 🇩🇪60.6 million investment by Germany with @albinkurti for innovative solar district heating and photovoltaics implemented by @KfW_FZ_int in support of global #EnergyTransition, clean energy and security of supply for Kosovo. @BMZ_Climate pic.twitter.com/f3nFdzPkyo

— Ambassador Jörn Rohde (@GermanAmbKOS) March 24, 2022

Projekti do të financohet nga Republika Federale e Gjermanisë dhe Banka Evropiane për Rindërtim dhe Zhvillim.

Ky projekt mes tjerash, përfshinë ndërtimin e kolektorëve diellorë prej përafërsisht 69 mijë metra katrorë.

Me masat për zgjerimin e rrjetit që synojnë shpërndarjen e nxehtësisë nga sistemi termik diellor, në rrjetin e ngrohjes qendrore do të kyçen deri në 12 mijë familje ose 60 mijë banorë.

Lexo po ashtu Kurti dhe përfaqësuesit e KfW-së diskutuan për projektin 64 milionë euro “Solar4Kosovo”

Po ashtu, projekti do të reduktojë kërkesën për energji elektrike për qëllime ngrohjeje dhe do ta rris cilësinë e ajrit, me rreth 40 mijë tonelata kursime të dyoksidit të karbonit në vit. /Telegrafi/