Gjeraj i bashkohet Besës së Pejës

Mbrojtësi i njohur Robert Gjeraj më në fund është bërë me skuadër të re.

Pas problemeve që kishte me trajnerin Blendi Shkëmbi tek Liria, ai u largua nga klubi prizrenas.

Por qendërmbrojtësi i njohur do të vazhdoj përsëri të luaj në elitën e futbollit kosovar.

Ai ka arritur marrëveshje me Besën e Pejës ku do të luaj në stinorin e ri.

Lajmin e ka konfirmuar vet lojtari nëpërmjet një postimi në rrjetin social Facebook.

Për Gjerjan ky hap do të jetë një rikthim në klubin pejan ku më parë kishte fituar gjithçka në futbollin tonë.

Postimi origjinal i Gjerajt në Facebook:

“Prej sot jam lojtar i KF Besës aty ku fitova gjithçka që fitohet në Kosovë, dhe më dha mundësinë që të jap maksimumin që t’i arrijmë synimet që i kemi. Falënderoj të gjithë ata që më mbështetën në çdo mënyrë sa isha i pa angazhuar për arsye që tashmë dihen, dhe një falënderim për trajnerin Bekim Bakaj që më mbështetni në çdo vështirësi dhe të gjithë shokët e mi që janë të shumtë për çdo mbështetje që më kanë dhënë, respekt për të gjithë”, ka shkruar Gjeraj. /Telegrafi/