Gjenerata e re e A4 (Foto)

Kompania Audi ka publikuar fotografitë dhe detajet zyrtare të gjeneratës së re të modelit A4 (B9), i cili premierën botërore do ta mbajë në shtator në panairin e veturave në Frankfurt.

Deri tani janë publikuar fotografitë e versionit Sedan dhe karavan (Avant), ndërsa tani Audi paralajmëron zgjerim të ofertës.

Kohët e fundit është përfolur për modelet e reja S4 dhe RS4, ndërsa tani në fokus është edhe versioni i ardhshëm Allroad Quattro.

Sikurse modeli standard A4, edhe A4 Allroad Quattro i ri do të jetë më i lehtë në krahasim me paraardhësin e tij, transmeton Koha.net, ndërsa në gamën e motorëve pritet të ketë motorë të njohur me benzinë dhe me naftë nga modeli standard A4, duke përfshirë motorin 2.0-litër TFSI dhe 2.0-litër TDI.

Audi A4 Allroad Quattro premierën botërore pritet ta mbajë në muajin mars të vitit të ardhshëm në panairin e veturave në Gjenevë, ndërsa shitja pritet të fillojë menjëherë pas premierës.

Kompania Audi planifikon më shumë versione të reja të modelit Allroad Quattro, njoftojnë disa burimeve amerikane lajmin jo zyrtar.

Nëse ky lajm del të jetë i vërtetë, atëherë versionet Allroad do duhej të kenë edhe modelet si A3 Sportback, A5 Sportback dhe A7 Sportback.

Gjithashtu nuk përjashtohen edhe Sedanet e Audi-së në version Allroad.